Ondanks die ekonomiese afswaai is klimaatsverandering steeds hoog op die agenda van die meeste maatskappye in Suid-Afrika wat leiding gee.

Die reaksiekoers op die plaaslike been van die Carbon Disclosure Project (CDP), wat sedert 2000 wêreldwyd namens 475 institusionele beleggers met $55 000 miljard se bates onder bestuur maatskappye nooi om hul vrystellings van kweekhuisgasse te meet en daaroor verslag te doen, het van verlede jaar se 59% tot 68% verbeter.

Die finansiëledienstesektor het vanjaar uitgestaan as die sektor wat ‘n kleiner ooglopende kumaatrisiko inhou, maar wie se gehalte van openbaarmaking drasties verbeter het. Nedbank het die beste gevaar in die CDP Se leierskapsindeks, wat maatskappye beoordeel volgens die gehalte van hul openbaarmaking.

Buiten HCI het al die banke, versekeraars en finansiëledienstegroepe op die JSE se top-100-indeks vanjaar deelgeneem.

Tog het talle vooraanstaande top-100 maatskappye nie die moeite gedoen om deel te neem nie. Mnr. Johann Scholtz, hoof van die regsfirma Webber Wentzel se praktyk vir klimaatsverandering en koolstofverhandelings, sê Suid-Mrikaanse sakelui slaan klimaatsverandering moontlik nog nie so hoog aan nie omdat die

Top-vrystellers:

1. Sasol: 61 miljoen ton

2. ArcelorMittal: 12,4 miljoen ton

3. BHP Billiton: 4,5 miljoen ton

4. Anglo American: 3,4 miljoen ton

* Kweekhuisgasvrystellings per jaar; vrystellings weens elektrisiteitsverbruik uitgesluit.

Maatskappye wat nóύ reeds hul klimaatrisiko’s identiuiseer en daaroor versiag doen, sal ‘n voorsprong he bo groepe wat apaties is of ‘n wag-en-sien-houding inneem. Maatskappye besef nie dat hulle in die toekoms regsaanspreeklik kan wees as hulle nie hul kweekhuisgasse meet, openbaar maak en inkort lie, sê Scholtz.

Van die deelnemende maatskappye het 87% hul kweekhuisgasvrystellings openbaar gemaak, teenoor 77% verlede jaar. Meer maatskappye (20) het teikens vir die vrystelling van kweekhuisgasse of vir laer energieverbruik (22). Verledejaar het net 12 maatskappye gesê hulle het teikens vir kweekhuisgasinperking. Daar is volgens die CDP-verslag vrae oor hoe ambisieus of realisties die gestelde teikens is in die konteks van internasionale vereistes en onlangse studies oor wat tegnologies en ekonomies lewensvatbaar is.

Hoewel daar ‘n toename in misiatiewe is om energiedoeltreffendheid te verbeter, is investering in hernieubare energie nog klein vergeleke met internasionale ontwikkelings. Kwessies oor klimaatsverandering word toenemend by maatskappye se korporatiewe-bestuursbedrywighede geïntegreer, en meer maatskappye (86% van deelnemers) het ‘n direksiekomitee of uitvoerende liggaam wat vir die kwessie van klimaatsverandering verantwoordelik is. Daar is selfs 19 maatskappye wat aansporings aan bestuurders bied wat doelwitte rakende klimaatsverandering haal.

Van die bekende groepe wat nie deelgeneem het lie, is Distell, Shoprite, Spar, Pioneer Foods, Tiger Brands, Naspers, Mr Price, JD Group, Lewis, Sun International, Adcock Ingram, Grindrod en Highveld Steel.

Hoewel die toerisme- en uitgewersbedryf lie groot regstreekse koolstofvoetspore het lie, kan hul onregstreekse bydrae aansienhik wees, lui die CDP-verslag.

Die media- en toerismesektor het aansienhike potensiaal om ander sektore positief te beïnvloed, en kan leierskap toon deur hul voorbeeld.

CDP-leierskapsindeks:

1. Nedbank (Telling: 90)

2. Bidvest (83)

2. Woolworths (83)

4. BHP Billiton (82)

5. Gold Fields (79)

5. Sappi (79)

7. AngloGold Ashanti (75)

7. Santam (75)

9. Dimension Data (74)

9. Ou Mutual (74)

9. Sanlam (74)

12. Anglo Platinum (73)

12. Exxaro (73)

14. Northam Platinum (72)

14. Netcare (72)

16. Sasol (71)

Tog het net die mediagroep Caxton deelgeneem terwyl die invloedryke Naspers, die grootste mediagroep in Afrika, al twee jaar ná mekaar nie deelneem nie.

Me. Buyelwa Sonjica, minister van waterwese en omgewing, het in haar voorwoord van die CDP-versiag maatskappye wat nie deelgeneem het nie, aangemoedig om in die toekoms leierskap te toon. Die vennote en borge van die CDP is die Nasionale Sakeinisiatief (NBI), Incite Sustainability, KPMG, Webber Wentzel en Element Investment Managers. Meer inligting by www.cdpproject.net.